Kadam Media
KADAM MEDIANews portal
World

Койчиев “Эркин Европа/Азаттык” радиосунун президентин кабыл алды

Share

Бишкекте бүгүн мамлекеттик катчы Арслан Койчиев “Эркин Европа/Азаттык” радиосунун президенти Лиза Кёртисти кабыл алды.

Койчиев “Эркин Европа/Азаттык” радиосунун президентин кабыл алды
Сүрөт: kabar.kg

Жолугушуунун жүрүшүндө тараптар Кыргызстандын маалыматтык мейкиндигинин өнүгүшүн, “Эркин Европа/Азаттык” радиосунун Кыргыз кызматы – “Азаттыктын” ишмердүүлүгүн, ошондой эле мындан аркы өз ара аракеттешүүнүн келечегин талкуулашты.

Арслан Койчиев Лиза Кёртисти жогорку кызматка дайындалышы менен куттуктап, “Азаттыктын” ата мекендик журналистиканын калыптанышындагы тарыхый ролун жана өлкөнүн коомдук-саясий турмушуна кошкон салымын белгиледи. Ошондой эле сапаттуу журналистиканын, фактыларды объективдүү текшерүүнүн жана жогорку редакциялык стандарттарды сактоонун маанилүүлүгүнө токтолду.

Мамлекеттик катчы Кыргызстанда жүргүзүлүп жаткан заманбап өзгөрүүлөр, социалдык-экономикалык өнүгүүнүн артыкчылыктуу багыттары жана стратегиялык инфраструктуралык долбоорлорду ишке ашыруу тууралуу айтып берди.

Лиза Кёртис жолугушуу жана мазмундуу пикир алмашуу үчүн ыраазычылык билдирип, “Эркин Европа/Азаттык” радиосу тыгыз кызматташууга даяр экендигин айтты.

Жолугушуунун соңунда тараптар кесиптик байланыштарды колдоого жана мындан аркы өз ара аракеттенүүнү өнүктүрүүгө кызыкдарлыгын билдиришти.

Sources

Share

Your reaction

Comments

No comments yet. Be the first!